結果原來沒什麼分別耶
看回2年前的博文
所寫的與現在自己所想的簡直是一模一樣
呀！是說我這2年思想中沒成長沒變成熟嗎？
————————————————————
1.其實.我一次都未做過tag,因為覺得都幾無聊(唔好問我點解今次會做haha)
2.其實.返左第一日XX.感覺都幾好.發現識到新朋友係一件好開心既事
3.其實.家陣仲好掛住XX.好掛住一班XX友.之前經過XX都會有種難以說出口既感受
4.其實.我都幾怕之後大家會因為太忙.而漸漸冇聯絡(不過我相信應該唔會發生係我身上掛)
5.其實.我好似成日都唔知點解入左D group 等 所以好多謝你地願意比我成為你地一份子
6.其實.我會成日發嬲.但極少會發生係你地面前.通常都係係家中
7.其實.我好討厭約左人但人地遲到.就算遲少少我都會好憤怒
8.其實.有時我笑係為左掩飾尷尬既氣氛.所以當你見到我笑得有D唔自然你就知咩事啦
9.其實.我覺得養狗真係好好.因為我屋企隻狗真係好聽話
10.其實.我個人經常性都好矛盾.唔知想點咁
11.其實.我成日都"扮"勇.明明驚到暈都鐘意話"我唔驚!"
12.其實.我好鐘意影相.奈何我既攝影技術好差:(
13.其實.我好唔捨得走左既好友(4-5個).點解走親都要係熟既- -
14.其實.我一直都好感恩身邊有你地一班咁好既好友.肯比我發癲haha
15.其實.我鐘意做一個聆聽者多過一個傾訴者.
16.其實.我唔鐘意收生日禮物
17.其實.我都幾雙面人.係你地眼中我可能人品唔錯.但往往返到屋企性格就會有D改變.
18.其實.我好鐘意研究關於美容既野...有諗過將來去做個化妝師..不過..都唔代表我愛打扮
19.其實.呢2年我好開心..除左因為班入面冇左小圈子.又好鬼玩得.最大原因都係因為我真係同好多以前既hibye fds 熟左好多
20.其實.我都幾多愁善感...只不過我好少會表達出黎姐
21.其實.我做事好衝動.成日都唔考慮後果就做左先.所以如有冒犯請多多包涵:)
22.其實.亦都係最尾一樣.我好念舊嫁my fds:)
畢竟這2年的生活環境有所不同了
